Бүх үйлчилгээг нэг доороос
Германд өөрийн үндсэн мэргэжлээрээ ажиллах, мэргэжлийн боловсрол эзэмших эсвэл их дээд сургуульд суралцахын тулд холбогдох бичиг баримтуудыг шат дараатайгаар бүрдүүлэх, шалгуулах, хүлээн зөвшөөрүүлэх зэрэг тодорхой хугацаа шаардсан олон процессийн ажлууд хийгддэг.
Энэ тал дээр бид Танд цогц үйлчилгээг санал болгож байна. Бид Герман улсад мэргэжлээрээ ажиллахыг хүсч буй сувилагчдад, мэргэжлийн боловсрол эзэмшихээр эсвэл их дээд сургуульд суралцахаар явж буй залуусыг бичиг баримтаа бүрдүүлэх, орчуулах, ярилцлагад бэлдэхээс эхлээд Германд дасан зохицох хүртэлх бүхий л хугацаанд зөвлөгөө, мэдээллээр ханган, холбогдох бичиг баримтыг шалгуулах, хүлээн зөвшөөрүүлэх ажлуудыг бүрэн хариуцаж ажиллана.
Монголд байх хугацаанд:
- Бичиг баримтыг бүрдүүлэх, орчуулах, ажил мэргэжлийн товч намтар, өргөдөл бичих;
- Германы ажил олгогчтой ярилцлага зохион байгуулах, ярилцлагад бэлдэх, ярилцлагын үеэр орчуулга хийх;
- Бичиг баримтыг холбогдох байгууллагаар шалгуулах, хүлээн зөвшөөрүүлэх;
- ХБНГУ-д хөдөлмөр эрхлэх зөвшөөрөл мэдүүлэх;
- Түнш байгууллагуудтайгаа хамтран Герман хэлний сургалтыг зохион байгуулах;
- Мэргэжлийн хэлний ганцаарчилсан болон онлайн сургалтуудыг санал болгох;
- ХБНГУ-ын ЭСЯ-нд холбогдох ангиллын виз мэдүүлэхэд дэмжлэг үзүүлэх, бичиг баримтын бүрдэлтийг хангаж ажиллах;
- Герман руу аяллыг зохион байгуулах, нислэгийн тийз захиалах, аяллын даатгал хийлгэх;
- Монголд байх бүхий л хугацаанд бид Тантай байнгын харилцаа холбоотой байж, Германд ажиллаж, суралцахад тогтмол чиглүүлнэ;
Германд очсоны дараа:
- Онгоцны буудлаас тосож авах;
- Германд эрүүл мэндийн даатгалд хамрагдах, данс нээлгэх хаягийн бүртгэл хийлгэх;
- Холбогдох бичиг баримтыг орчуулах баталгаажуулахад дэмжлэг үзүүлэх;
- Дасан зохицох хугацааны бусад зөвлөгөө мэдээллээр хангах;
- Холбогдох байгууллагуудад цаг авч үйлчлүүлэх, албан хүсэлт бичих зэрэгт дэмжлэг үзүүлэх;
- Шаардлагатай тохиолдолд ажлын ярилцлага, эмчийн үзлэг зэрэг чухал уулзалтуудад орчуулга хийх;
- Байр хайхад дэмжлэг үзүүлэх;
Бид Таныг Герман явах алхам бүрт тань дэмжлэг үзүүлэн, чиглүүлж ажиллана. Та бидний тусламжтайгаар шинэ орчиндоо хурдан дасан зохицож, ажил амьдралынхаа гарааг амжилттайгаар эхлүүлнэ гэдэгт бид итгэлтэй байна.
